Çifti i turistëve hollandezë humbasin në Llogora, policia u vjen në ndihmë
05/04/2021 13:21
Çfarë tregon vendimi i GJED për SkyECC? Avokati Gurali Brahimllari tregon kur nuk quhen provë përgjimet 02/05 18:05
Policia e Vlorës ka bërë të mundur gjetjen dhe dhënien e ndihmës çiftit të turistëve hollandezë, të cilët humbën në Llogora për shkak të terrenit të vështirë e errësirës.
Turistët janë në gjendje të mirë shëndetësore e janë transportuar pranë vendndodhjes së tyre në Parku e Llogarasë.
Drejtoria Vendore e Policisë Vlorë
Policia ju vjen në ndihmë 2 turistëve hollandezë, të cilët kishin humbur rrugën në Llogara. Shërbimet e policisë në DVP Vlorë, në bashkëpunim me Delta Forcë, pas marrjes së njoftimit se një çift turistësh hollandezë, kishin humbur kontaktet, rrugën dhe orientimin një ditë më parë dhe për shkak të terrenit të vështirë dhe errësirës, e kishin të pamundur kthimin mbrapa, menjeherë kanë nisur kërkimet që prej mbrëmjes së djeshme. Kërkimet kanë vijuar deri në mesditën e sotme. Si rezultat i kërkimeve të pandërprera, u bë i mundur lokalizimi dhe marrja e kontaktit me dy turistët në vendin e quajtur “Qafa e thellë”, Llogara. Aktualisht po bëhet transportimi i çiftit pranë vendndodhjes së tyre në Parku e Llogarasë. Turistët janë në gjendje të mirë shëndetësore dhe kanë falënderuar shërbimet e kërkimit që iu erdhën në ndihmë. Policia e Vlorës është e angazhuar maksimalisht në shërbim të qytetarëve, vizitorëve dhe turistëve duke krijuar një ambient sa më të sigurt dhe në këtë kuadër fton qytetarët të denoncojnë në 112 dhe në Komisariatin Dixhital çdo rast të paligjshmërisë.
Top Channel
