Kryeministri Edi Rama ka vijuar akuzat ndaj kreut të PD-së, Lulzim Basha, pasi në takimet e këtij të fundit, vijojnë të grumbullohen simpatizantë të shumtë duke u kthyer në një rrezik potencial infektimi me covid-19.
Teksa ka shpërndarë dy foto, një nga takimi i Bashës dhe një nga procesi i vaksinimit masiv në vendin tonë, Rama shkruan se kemi të bëjmë me dy botë të ndara.
Rama sjell në vëmendje edhe rritjen e infektimeve në Malin e Zi, pas marshimeve elektorale.
Postimi i Ramës:
Dy pamjet e një bote të ndarë, mes një populli që respekton rregullat, mbron jetën e vaksinohet dhe një turme që tërhiqet në rrugën e infektimit e të rrezikut për jetën, nga një drejtues pa karakter, pa përgjegjshmëri, pa cipë!
*Zoti i ruajt të verbërit pas LB nga plagosja e largqoftë vdekja, siç ndodhi në Malin e Zi ku këto lloj marshimesh elektorale rritën infektimet e sollën vdekje njerëzish
**Elbasan, Kukës
Top Channel
