Britania e Madhe ‘pushtohet’ nga mjegulla, aeroportet anulojnë dhjetëra fluturime 27/12 23:00
Gjykata Nderkombetare e Hages
Qeveria e Tel Avivit ka thënë se nuk do të lejojë asnjë projekt ekonomik të zhvillohet në territoret e pushtuara në rast se Autoriteti i Palestinës bashkëpunon me Gjykatën Ndërkombëtare të Hagës në hetimet e saj për akuzat e krime të mundshme te luftës nga Izraeli.
Agjencia palestineze Quds Net shtonte se Izraeli është zotuar të mos kryejë bashkëpunim ekonomik me palestinezët në rast se Autoriteti i Palestinës nuk premton të mos bashkëpunojë me Gjykatën Ndërkombëtare në lidhje me hetimet e krimeve të luftës nga Izraeli.
Agjencia izraelite Makan shtonte se disa vende kanë kërkuar që Izraeli të nisë programe ekonomike në territoret e pushtuara palestineze.
Por me zhvillimet e fundit të Gjykatës Ndërkombëtare, autoritetet hebreje do të heqin privilegjet për zyrtarët e Autoritetit Palestinez, duke theksuar se ministrit të jashtëm Riyad Al-Maliki i ishin hequr tashmë të drejtat e udhëtimit.
Më 3 mars prokurori i Hagës, Fatou Bensouda njoftoi hapjen zyrtare të hetimeve për krime të mundshme lufte nga Izraeli në territoret e pushtuara të Bregut Perëndimor, si dhe në Rripin e Gazës ku është vendosur bllokada ekonomike.
Vendimi është mirëpritur nga Autoriteti Palestinez dhe bota arabe, por është dënuar nga Izraeli dhe SHBA.
Top Channel
