Fotografia me dy fëmijët në Durrës/ Rama: Kur vëllai vjen me Spidermanin të mbrojë motrën nga Gogoli

27/03/2021 09:23

Edi Rama ka bërë publike disa prej fotografive nga një prej takimeve gjatë ditës së djeshme në qytetin e Durrësit.

Rama shkoi në një shtëpi të re, ku ndodheshin dy fëmijë të vegjël motër e vëlla. Ky i fundit ka marrë një lodër “spiderman” dhe Rama duket se e ka përdorur notat e humorit duke shkruajtur: “Kur vëllai vjen me Spidermanin të mbrojë motrën nga Gogoli”.

Ndërsa në disa fotografi të publikuara në Facebook, Rama tregon imazhet nga Porto Romano, kantieri i lagjes së re në Spitlalë, shkollat dhe kopshtet e reja ndërsa thekson se vijon procesi i vaksinimit.

“Me këtë fotoalbum të Ditës së Dytë të ndeshjes së 25 prillit në Durrës, ku kaluam nga Porto Romano, dje vatër kanceroze plehrash, sot EkoPark, tek kantieri i lagjes së re të Rilindjes në Spitallë për 4000 banorë të prekur nga tërmeti; shkollat dhe kopshtet e reja që po rilindin dita-ditës; rikualifikimi urban i hapësirave këmbësore në qytet; vaksinimi që vijon; peshkatarët; bizneset përfitues të taksës 0; operatorët turistik; amfiteatri që do të rilindë, e më tej takimi publik me format të ngushtë anti-Covid për projektet e të ardhmes, ju uroj një ditë të mbarë”, shkruan Rama.

FOTO GALERI

1/12