Basha, fushatë në Tiranë/ Takon banorët në zonën ku voton, premtimi i parë për ish pronarët
26/03/2021 18:26
Anulimi i provimit të fazës së dytë, reagon Shkolla e Magjistraturës: Pasi u bë verifikimi i të gjitha ankesave… 24/04 22:03
Kryetari i Partisë Demokratike e nisi ditën e parë të fushatës elektorale në njësinë ku ai voton. Premtimin kryesor Lulzim Basha e kishte për ish- pronarët.
Lulzim Basha: Për pronarët dhe me pronarët, ne kemi hartuar një plan që fillon me shfuqizimin e ligjit të shpronësimit të dytë. Ai është ligji i shpronësimit të dytë. Ka 8 vite që faturat vetëm rriten, ka 8 vite që qytetari nuk dëgjohet, në veçanti qytetari i Tiranës nuk dëgjohet për asgjë. Kjo është një nga arsyet kryesore pse ndryshimi është urgjent
Kryedemokrati është i bindur se me 25 Prill do ketë rotacion politik dhe ndryshimin sipas tij do e sjellin të rinjtë.
Lulzim Basha: Kjo është një betejë që do ta përcaktojë rinia shqiptare, siç ka përcaktuar të gjitha ndryshimet e mëdha. Dhe kjo është betejë për ndryshim, nuk është thjesht betejë për zëvendësim. Nga ky ndryshim do të varet rruga Europiane e Shqipërisë.
Në takimin me banorët e njësisë numër 8, kryetari i Partisë Demokratike akuzoi qeverinë se ka braktisur shqiptarët.
Top Channel
