TIRANË – Një zjarr i madh ka përfshirë një magazinë pasditen e kësaj të mërkure në kryeqytet.
Burime për Top Channel bëjnë me dije se dyshohet për një person të vdekur, i cili mendohet të jetë roja i subjektit. Prej disa orësh familjarët janë munduar që të lidhen me të nëpërmjet celularit, por pa rezultat.
Zjarri në magazinën tek “Casa Italia” ka rënë që nga ora 16:40, ndërsa zjarrfikësit po mundohet të kontrollojë flakët. Paraprakisht dyshohet se shkak i këtij zjarri të ketë qenë një shkëndijë elektrike.
Grupi hetimor dhe shërbimet e Policisë vijojnë punën për sqarimin e rrethanave të ngjarjes.
Top Channel
