Kryeministri Edi Rama niset për një vizitë në Turqi.
Ai do të realizojë disa takime për të finalizuar marrëveshjen me distributorin turk për marrjen e vaksinave anticovid.
Kujtojmë se ditën e sotme gjatë një vizite në Kamëz, Rama tha se do të mundësohet marrëveshja për të marrë vaksinat kineze nga një distributor turk dhe me to do të fillohet vaksinimi masiv i qytetarëve.
“E kam në majë të gjuhës lajmin po do ta mbaj dhe pak fare lajmin. Për gjyshërit dhe gjyshet që janë pika më e dobët, nisja e vaksinimit është fiksimi dhe ambicia ime për vajtjen në punë përditë. Besoj lajmi i mirë do dali më në fund edhe pak fare”, tha Rama.
Këtë deklarim të kryeministrit e avancoi ministria e shëndetësisë Ogerta Manastirliu e cila tregoi se ku do të mbërrijë në vendin tonë vaksina kineze e prodhuar nga Sinofarm.
Top Channel
