Për herë të parë prindër, çifti i njohur i këngëtarëve shqiptarë japin lajmin e ëmbël 24/11 17:59
Të konsumoni ushqim në tryezën e ngrënies mund të jetë shumë komode, por jo domosdoshmërisht gjëja më e mirë për shëndetin tuaj.
Ne mund të kalojmë shumë nga koha jonë ulur në punë dhe kthehemi në shtëpi ndërsa jemi ulur në makinë ose në një transport publik dhe në darkë ulemi sërish për të darkuar. Por shumica e familjeve japoneze marrin vaktet e tyre të ulur në dysheme dhe ka shumë të ngjarë të mos gjeni karrige, madje as në restorante me 5 yje në Japoni.
Bright Side zbulon disa arsye pse japonezët bëjnë këtë zgjedhje. Në fakt, ky zakon ka aq shumë përfitime shëndetësore, sa mund të dëshironi ta provoni.
Ndihmon tretjen
Kur uleni në dysheme me këmbët tuaja të kryqëzuara dhe hani, ju po bëni pa vështirësi joga në të njëjtën kohë. Ky pozicion këmbëkryq quhet ‘sukhasana’ dhe besohet se rrit qarkullimin e gjakut në stomak, duke ju ndihmuar të tretni lehtë ushqimin dhe të merrni më shumë vitamina dhe lëndë ushqyese. Kur përkuleni përpara për të marrë ushqim nga pjata juaj dhe pastaj ktheheni në pozicionin fillestar për ta gëlltitur atë, ju po forconi muskujt në barkun tuaj, i cili, nga ana tjetër, mund të parandalojë fryrjen e barkut.
Mund t’ju ndihmojë të humbni peshë
Ulur në dysheme ndërsa hani, ndihmon nervin tuaj vagus të funksionojë më mirë. Kur sistemi juaj tretës lëshon një hormon të quajtur ‘leptin’, ai i dërgon një sinjal nervit vagus se jeni i ngopur dhe funksionimi i duhur i këtij nervi mund t’ju parandalojë nga mbingopja.
Ju bën më fleksibël.
Ndërsa ulur në një karrige për një kohë të gjatë mund të shkaktojë dëmtimin e shpinës tuaj dhe përfundimisht tendosjen e disqeve në shpinë, ulur në dysheme shtrin gjunjët dhe ijet. Meqenëse ky pozicion ju ndihmon të rrini më gjatë me çdo kafshatë, ju pengon të kërruseni dhe i bën shpinën dhe shpatullat më të forta.
Mund t’ju ndihmojë të jetoni më gjatë.
Nëse ngriheni lehtë nga pozicioni këmbëkryq që ishit ulur, pa ndonjë mbështetje, shanset janë që të mund të jetoni më gjatë. Rezulton se, të ulurit në dysheme ndërsa hani dhe të ngriheni disa herë në ditë është një nga mënyrat më të thjeshta për të shtuar vite shtesë në jetën tuaj.
Ju qetëson mendjen.
Bërja e yogës gjatë ngrënies gjithashtu qetëson mendjen tuaj. Kur mendja juaj është në paqe, ju mund të shijoni më shumë ushqimin dhe të hani vetëm derisa të ngopeni.
Top Channel
