Vrasjet e të fortëve të Durrësit/ Hodaj: Asgjë nuk zgjidhet për një ditë, të gjitha hipotezat rrinë në këmbë

Hodaj thotë se duhet pak durim për të dalë në një përfundim ndërsa theksoi se policia po vlerëson të gjitha hipotezat e ngritura por nuk foli konkretisht në lidhje me pistat e hetimit për vrasjen e fundit në Durrës, atë të Mond Çekiçit.

Hodaj: Është herët që policia të vijë me një komunikatë se çfarë ka ndodhur. Sa i përket pistave konkrete, nuk mund të jap detaje sepse nuk e kam si informacion dhe nuk duhet ta kem. Nga rastet e kaluara kemi parë se asgjë nuk zgjidhet për një ditë. Shumica dërrmuese arrijnë në një zgjidhje, por dhe rasti i fundit në Tiranë dhe Fier janë dashur javë që të finalizohen.

Përveç kamerave, ka dhe prova të tjera. Të gjitha hipotezat rrinë në këmbë dhe besoj që policia po i vlerëson me seriozitet. Patjetër që gjithçka bëhet për interesa financiare. Personazhi nuk është totalisht i panjohur, por edhe nuk është nga më të rëndësishmit.

Duhet edhe pak durim.

Top Channel