POLIÇAN, BERAT – Një person është vënë në prangat e policisë së Beratit për shkak se akuzohet se organizoi lojëra fati në një lokale.
I arrestuari është K.Z., 42 vjeç, banues në Mbrakull, Poliçan, pasi është kapur në ambientet e lokalit të tij Bar-Kafe, duke ushtruar aktivitetin e paligjshëm të lojërave të fatit online, nëpërmjet celularit.
Në cilësinë e provës materiale u sekuestrua një aparat celular. Materialet i kaluan Prokurorisë së Rrethit Gjyqësor Berat, për veprën penale “Organizimi i lotarive të palejuara”.
—————–
Ndërkohë, specialistët për Hetimin e narkotikëve, në vijim të punës për goditjen e veprimtarisë kriminale në fushën e narkotikëve, bënë arrestimin në flagrancë të shtetasit O.M., 26 vjeç, pasi në vendin e quajtuar “Ura e Goricës”, gjatë kontrollit fizik i’u gjetë dhe sekuestrua një sasi e vogël cannabis sativa.
Materialet procedurale iu dërguan Prokurorisë pranë Gjykatës së Shkallës së Parë të Rrethit Gjyqësor Berat, për veprat penale ”Prodhimi dhe shitja e narkotikëve”.
Top Channel
