Foto/ Ky është Demokrat Medinaj që masakroi 31 herë me thikë gruan në Fier, u gjet i vdekur në fushën e mbeturinave
18/03/2021 13:10
Mot i paqëndrueshëm me shi dhe shkarkesa elektrike! Si do jenë temperaturat për sot 03/05 07:00
FIER- Top Channel ka siguruar foton e Demokrat Medinaj, 29 vjeç, i cili është gjetur i vdekur në landfillin e Fierit.
Personi në fjalë është autori i krimit në familje, i cili mbrëmjen e djeshme ka vrarë me thikë bashkëshorten e tij Irvana Hyka, 28 vjeç, në banesën ku jetonte në lagjen “Sheq i Madh” në Fier.
Ndërkohë policia njofton se trupi i pajetë i viktimës është gjetur rreth orës 10:20, në vendin e quajtur “Vija e ngjalës”. Ai ishte shpallur në kërkim pikërisht për vrasjen e bashkëshortes së tij.
Nga këqyrja paraprake e kufomës nuk janë konstatuar shenja dhune. Trupi i viktimës është transportuar në morgun e spitalit për t’iu nënshtruar një ekspertize mjeko ligjore më të specializuar. Grupi hetimor po punon për zbardhjen e plotë të rrethanave të ngjarjes.
Demokrat Medinaj dhe Irvana Hyka lanë pas dy fëmijë të mitur, ndërsa familjarët kanë konfirmuar se gruaja tashmë e ndjerë ishte në pritje të një fëmije tjetër pasi ishte 6 javësh shtatzënë.
Top Channel
