Forcat izraelite bombardojnë Libanin, raportohet për dhjetëra të vdekur e të plagosur 24/11 22:56
Pilotja gjermane e garave Sabine Schmitz, prezantuese e programit të njohur britanik Top Gear, ka vdekur sot në moshën 51 vjeçare pas një beteje tre-vjeçare me kancerin.
E njohur ndryshe si ‘Mbretëresha e pistës së Nurburgring’, tregoi në korrik se vuante nga një formë agresive kanceri që prej vitit 2017.
Schmitz ishte e njohur për audiencat britanike për paraqitjet në programin e automobilizimit të rrjetit BBC, ‘Top Gear’, me prezantues si Jeremy Clarkson, Chris Evans e Paddy McGuinness
Grupi i garave që Schmitz themeli me bashkëshortin Klaus Abbelen, njoftuan vdekjen e saj duke përshkruar “luftën e guximshme me kancerin”.
Pista e saj” e shtëpisë” Nurburgring, gjithashtu përmendi humbjen e pilotes më të famshme femër, duke shkruar: “Ne të gjithë do të na marrë malli për natyrën e saj të çiltër. U prehsh në paqe Sabine!’
Jeremy Clarkson, i cili ka prezantuar Top Gear prej vitit 2015, shkruante: “Lajm i tmerrshëm për Sabine Schmitz. Një person i shkëlqyer e plot zjarr”.
Schmitz, më e vogla e tre motrave, nisi të garonte në Nurmburgring që prej moshës 15-vjeçare dhe u bë pilote profesioniste në moshën 24 vjeçare.
Ajo ka përshkuar pistën gjermane të NurmburgRing më shumë se 20,000 herë dhe vitin e shkuar do të garonte aty me Porsche për kampionatin Nurburgring Endurance Series.
Por sëmundja e saj nuk e lejoi teksa njoftoi në një postim të vrazhdë në Facebook: “Të dashur miq të sportit të garave, unë nuk mund të garoj sepse prej fundit 2017, po luftoj një kancer agresiv që nuk është kuruar me burimet e deritanishme . Tashmë duhet të mbledh të gjitha forcat për terapitë e fuqishme të radhës, duke shpresuar se diçka e mirë do të ndodhë. Kështu që ju them lamtumirë për herë të parë këtë sezon”.
Top Channel
