OpenAI marrëveshje 38 miliardë dollarëshe me Amazon për akses në cloud 03/11 22:58
Tetë persona janë vrarë në disa të shtëna me armë zjarri në tri qendra masazhi dhe sauna, në dhe afër Atlantas në shtetin amerikan Xhorxhia.
Në 21-vjeçar është ndaluar nga policia rreth 240 kilometra në jugperëndim të Atlantas, ka thënë sherifi i qarkut Cherokee, Jay Baker.
Shumica e viktimave kanë qenë gra me prejardhje aziatike sipas Bakerit, mirëpo zyrtari ka thënë se hetimet janë duke vazhduar dhe se nuk dihet motivi i të shtënave. Sulmet nisën kur pesë persona u qëlluan në një qendër saune dhe masazhi afër lagjes Acworth.
Dy persona humbën jetën në vendngjarje dhe tre të tjerë u dërguan në spital, ku dy prej tyre nuk mundën ti mbijetonin plagëve.
Tre persona të tjerë janë gjetur të vdekur në qendrën Gold Massage në Atlanta dhe një tjetër viktimë u regjistrua edhe në qendrën Aroma Therapy.
Konsullata e Koresë së Jugut në Atlanta ka thënë se katër viktima kanë prejardhje koreane.
Kërkimet për të dyshuarin nisën pasi në pamjet e kamerave të sigurisë është parë një burrë duke hyrë në njërin nga bizneset. Zyra e sherifit kishte publikuar disa fotografi nga kamerat e vëzhgimit në faqen e saj në Facebook, duke u kërkuar njerëzve ndihmë për identifikim të të dyshuarit.
Top Channel
