Xhesi punonte si striptiste, por pas mbylljes së lokalit, për shkak të masave anticovid, ajo rrëfen se ka mbetur e papunë.
21-vjeçarja thotë se nuk mund të gjejë punë tjetër që përballon shpenzimet e larta që ka. “Nuk jemi mësuar me 200, 300 mijë lekë rrogë në muaj. Shpenzimet tona janë shumë të larta. Ne kemi qenë të parët qe u mbyllën sa erdhën rastet e para të infektimeve me Covid 19 në Shqipëri. Përpos argëtimeve që kemi në këtë periudhë, puna mbetet motiv i përditshëm”.
Sipas saj, lokalet e natës mund të hapen, duke respektuar masat e higjenës. “Si çdo biznes tjetër mund të hapeshin me kujdes higjene, për ne është punë. Pse ne mbyllur dhe një lokal lagje që është plot është hapur. Lokali ku punoj është i madh, ka goxha hapësirë”.
Teksa flet për punën e saj, Xhesi thotë se më parë e paragjykonte striptizmin por tashmë thotë se është punë normale. “Është punë që paragjykohet, edhe unë e paragjykoja më parë, por aty nuk ndodh asgjë. Na kërkojnë pafund favore seksuale, madje kam pasur raste që më kanë ndjekur pas pune, por tani ia kam marrë dorën”.
Shton se kjo punë nuk e pengon të ketë një jetë personale. “Nuk më ka penguar të kem një të dashur. Ai që të do të pranon ashtu si je. Unë punoj se kam disa synime që dua t’i arrij”.
Top Channel
