Kanë kaluar dy vjet që nga themelimi, dhe vetëm dy vjet pas Ushtria e Kosovës po bëhet pjesë e një misioni paqeruajtës jashtë vendit.
Një kontingjent prej ushtarësh do të jenë pjesë e këtij misioni krah ushtrisë amerikane në Kuvajt të Lindjes së Mesme për së paku gjashtë muaj.
Ky moment i papërsëritshëm, është shënuar përmes një ceremonie zyrtare, në të cilën komandantja supreme, Vjosa Osmani tha se kontingjenti është i vogël në numër por i madh në mesazh dhe përmbajtje.
Ndërsa Ministri i Mbrojtjes, Anton Quni tha se flamuri i vendit do të lartësohet krah flamujve të shteteve më të fuqishme.
Numri i ushtarëve që do të jenë pjesë e misionit nuk është bërë i ditur.
Forca e Sigurisë së Kosovës nisi transformimin e saj në ushtri me 18 dhjetor të vitit 2018, etapë kjo që do të zgjasë 10 vjet deri në kompletimin e saj.
Top Channel
