Vetëm pak orë na ndajnë nga skadimi i afatit, Partia Socialiste vijon diskutimet për listën me kandidatët për deputetë që do të garojnë në zgjedhjet e 25 prillit.
Gazetari i Top Channel Muhamed Veliu mëson se nga diskutimet e deritanishme, Olta Xhaçka nuk do të kandidojë në Dibër por në qarkun e Korçës.
Sakaq ka diskutime se ku do të kandidojë Sandër Lleshaj, pritet për tu konfirmuar nëse do të jetë në Tiranë apo në Durrës. Ndërsa Ogerta Manastirliu do të renditet e pesta në listën e Tiranës, e cila do të udhëhiqet nga Luljeta Bozo dhe Najada Çomo.
Ndërsa garë mes kunetërve pritet të bëhet në Shkodër, ku Frrok Gjini, kunati i Nard Ndokës do të renditet i pesti në listën e PS. Kujtojmë se Ndoka do të renditet në vendin e tetë në listën e PD në qarkun e Shkodrës për zgjedhjet e 25 prillit.
Kujtojmë se ditën e sotme, kryeministri Edi Rama ka prezantuar emrat e kandidatëve që do të udhëheqin listat në 12 qarqe të vendit.
Vendi i parë në Listën e Shkodrës: Edona Bilali
Vendi i parë në Listën e Vlorës: Pranvera Sulaj
Vendi i parë në Listën e Kukësit: Greta Duraku
Vendi i parë në Listën e Korçës: Eni Zake
Vendi i parë në Listën e Dibrës: Lavdrim Krashi
Vendi i parë në Listën e Berat: Hatixhe Konomi
Vendet e para në Listën e Tiranës: Luljeta Bozo dhe Najada Çomo
Vendi i parë në Listën e Fierit: Erion Braçe
Vendi i parë në Listën e Elbasanit: Evis Kushi
Vendi i parë në Listën e Gjirokastrës: Mirela Kumbaro
Vendi i parë në Listën e Lezhës: Lindita Nikolla
Vendi i parë në Listën e Durrësit: Milva Ekonomi
Top Channel
