Është zbuluar identiteti i autorit të ngjarje së rëndë që u shënuar ditën e sotme në Fier.
Ky që shihni në foto është Erdis Rapi, i cili për motive të dobëta ka goditur për vdekje babain e tij, 52-vjeçarin, shtetasin Dh. R.
Burime për Top Channel bëjnë me dije se të dy personat e sipërpërmendur vuanin nga probleme të shëndetit mendor.
Debatet kanë nisur për motive banale! Janë zënë fillimisht me grushte e ma pas djali e ka goditur me shkop në kokë të atin, i cili ka gjetur vdekjen e menjëhershme.
Policia ka mbërritur menjëherë në vendngjarje dhe po heton për zbardhjen e rrethanave.
Njoftimi i policisë:
Sot rreth orës 11:50, në fshatin Luar, Roskovec, në banesën e tij, shtetasi E. R., 25 vjeç, për motive të dobëta, ka goditur në kokë me sende të forta(shkop), babain e tij, shtetasin Dh. R., 52 vjeç, i cili ka gjetur vdekjen e menjëhershme.
Policia ka bërë të mundur kapjen e autorit dhe shoqërimin e tij në Komisariatin e Policisë.
Po kryhen veprimet procedurale dhe hetimore për zbardhjen e plotë të rrethanave të ngjarjes.
Top Channel
