Forcat izraelite bombardojnë Libanin, raportohet për dhjetëra të vdekur e të plagosur 24/11 22:56
Kina ka miratuar tri produkte të ilaçeve tradicionale kineze (TCM) për shitje për të ndihmuar në trajtimin e Covid-19, njoftoi të mërkurën Administrata e Qeverisë për Produktet Mjekësore.
Sipas CNN, agjencia përdori një procedurë të posaçme miratimi për tri produktet, të cilat “ofrojnë më shumë mundësi për trajtimin Covid-19”, citohet të jetë thënë në një deklaratë.
Produktet bimore vijnë në formë të grimcuar dhe kanë origjinën e tyre në “recetat e lashta kineze”, tha deklarata.
Ato u zhvilluan nga mjetet shëruese TCM që ishin përdorur herët në pandemi dhe që “u kontrolluan nga shumë akademikë dhe ekspertë në vijën e frontit”.
Megjithatë, siguria dhe efektiviteti i tyre ende debatohet në Kinë, ku ka edhe mbështetës dhe skeptikë.
Megjithëse shumë prej mjeteve shëruese në TCM janë përdorur për qindra vjet, kritikët argumentojnë se nuk ka asnjë provë shkencore të verifikueshme për të mbështetur përfitimet e tyre të supozuara.
“Mjekësia tradicionale është një thesar i civilizimit kinez që mishëron mençurinë e kombit dhe njerëzve të tij”, kishte thënë presidenti kinez Xi Jinping, vetë një avokat i njohur i TCM në një konferencë kombëtare në tetor të vitit 2019.
Gjatë gjithë shpërthimit të pandemisë, Xi ka nxitur në mënyrë të përsëritur mjekët të trajtojnë pacientët me një “përzierje të barnave kineze dhe perëndimore”.
Madje, siç thuhet më tej, dhjetëra mijëra pacientë me Covid-19 morën ilaçe bimore krahas barnave kryesore antivirale vitin e kaluar, sipas Ministrisë së Shkencës dhe Teknologjisë.
Top Channel
