Një 24-vjeçar është arrestuar sot në Vlorë, pasi shtetësja E.Gj. e akuzon se i riu e ka kërcënuar vazhdimisht për t’i marrë para.
Sipas policisë, shtetasi me iniciale E.R. ka kanosur shtetasen me iniciale E.R dhe i ka marrë një sasi të lekësh. Policia nuk përcakton sasinë e parave që qytetarja pretendon se i është vjedhur dhe nëse ndaj saj është ushtruar dhe dhunë fizike apo vetëm psikologjike.
Njoftimi i policisë:
Specialistët për Hetimin e Krimeve ndaj Personit në DVP Vlorë, në bashkëpunim me Forcën Operacionale në DVP Vlorë dhe Forcën Operacionale në Drejtorinë e Përgjithshme të Policisë së Shtetit, bënë kapjen dhe ndalimin e shtetasit E. R., 24 vjeç, banues në Tiranë.
Ndalimi i tij u bë pasi shtetasja E. Gj. ka bërë kallëzim se në periudha të ndryshme kohore, nëpërmjet shtrëngimit me anë të kanosjes për dhënie pasurie, shtetasi E. R. i ka marrë një sasi lekësh.
Vijojnë hetimet për dokumentimin e plotë të rrethanave të ngjarjes.
Materialet i kaluan Prokurorisë së Rrethit Gjyqësor Vlorë, për veprime të mëtejshme.
Top Channel
