Irani në kundërsulm, presidenti Trump paralajmëron: Do t’i godasim me një forcë që nuk është parë kurrë 01/03 10:22
Policia ka qëlluar mbi protestuesit në Mianmar duke vrarë të paktën nëntë prej tyre, thonë mjekët, në ditën më vdekjeprurëse që nga fillimi i tubimeve kundër grushtit të shtetit në vend.
Policia goditi qytetarët dhe përdori shkopa gome dhe gaz lotsjellës. Forcat e sigurisë filluan goditjen e dhunshme të shtunën, pas disa javësh protestash kryesisht paqësore kundër marrjes së pushtetit nga ushtria në 1 shkurt.
Udhëheqësit e qeverisë, përfshirë Aung San Suu Kyi, u rrëzuan dhe u arrestuan. Pamjet e mediave sociale nga e diela treguan protestuesit duke ikur ndërsa policia i ndiqte ata, po ngriheshin bllokime të improvizuara gjatë rrugës dhe disa njerëz ishin mbuluar me gjak. Goditja e policisë u zgjerua këtë të dielë ndërsa udhëheqësit e grushtit të shtetit u përpoqën të prishin një fushatë të mosbindjes civile, të cilës nuk po i vjen fundi.
Sipas Anadolu Agency, rreth 800 njerëz janë arrestuar në protestat kundër puçit ushtarak në gjithë vendin pasi junta ushtarake mori pushtetin më 1 shkurt në Mianmar.
Shumë studentë të mjekësisë që demonstronin në Sheshin Hledan në Yangon u morën me automjete policie sot, ndërsa po ashtu u dëgjuan të shtëna me armë në shumë pjesë të qytetit.
Top Channel
