Bllokoi prej rreth 3 orësh foltoren e Kuvendit, Noka shtyn deputetin: M’u hiq sysh! Ik tani! I kthehet Shehaj: Turp t’ju vijë!
19/12 14:51
Mes politikanëve dhe gjyqtarëve të korruptuar peshorja e vlerësimit të Kryeministrit sa i takon fajësisë, anon më shumë nga njerëzit e drejtësisë.
“Kjo kastë në raport me Shqipërinë ka përgjegjësia dhe faje shume më të rënda se përgjegjësitë dhe fajet e politikanëve sepse nëse kjo kastë nuk do e kishte mbytur drejtësinë dhe nuk do e kthente drejtësinë në një mall që shitet dhe blihet edhe politikanët do kishin qenë shumë më të përgjegjshëm.” ka thënë Rama.
Në bashkëbisedimin me banorë të Elbasanit, Kryeministri pranoi fenomenin e largimit nga Shqipëria jo vetëm të të rinjve , por shkakun nuk e sheh tek vetja ashtu sikurse e akuzojnë.
“ Përvec periudhës se Enver Hoxhes shqiptarët kane qenë gjithmonë një popull qe kanë lëvizur, që kanë kërkuar mundësi të reje, horizonte të reja, që ka emigruar, që është rikthyer. Atyre që sot pretendojnë se do ndalojnë trendin e largimeve dhe do kthejnë shqiptarët me recetat e tyre çudi bërëse ishin ata që i lanë djerrë tokat e shqiptarëve.” ka thënë Rama.
Fushatës së kundërshtarit politik përpiqet të mos i japë vëmendje, por dallimi mes dy kampeve për të është i madh.
“Ne nuk jemi në një fushatë elektorale ku jemi gati të premtojmë nënë e babe për të marrë vota, por jemi në kushtet kur duhet te jemi të qartë që atë që themi ta bëjmë.“ ka thënë Rama.
Rama u ndal në planet e së tashmes dhe të ardhmes nëse votëbesohet edhe për një mandate te ri, mes tyre projekti i autonomisë spitalore, i cili do të nisë nga spitali i Fierit
Top Channel
