Tensione të larta në SHBA, frikë se si njerëzit mund të reagojnë ndaj rezultatit! Në cilat shtete priten trazira civile? 05/11 17:11
Ish-e dashura e futbollistit gjerman Jerome Boateng kishte nënshkruar një marrëveshje konfidencialiteti disa javë para se të vetëvritej pas prishjes së lidhjes mes tyre, u zbulua se fundmi në dokumente të reja.
25 vjeçarja Kasia Lenhardt, u gjet e vdekur në një apartament luksoz në Berlin në pronësi të Boateng, më 9 shkurt, disa ditë pas prishjes publike të lidhjes së çiftit dhe në ditëlindjen e gjashtë të djalit të saj.
Siç rezulton së fundmi ajo e kishte përkushtuar veten për të heshtur mbi të gjitha informacionet që mund të merrte si pjesë e jetës private të futbollistit të njohur të Bayern Munchen, raporton e përditshmja gjermane Bild.
Dokumentet e publikuara më 25janar — një javë para se Boateng të njoftonte publikisht fundin e marrëdhënies— tregojnë se Kasia kishte rënë dakord për mospublikimin e informacioneve private të çiftit.
Në marrëveshje thuhej se ajo nuk mund të publikonte foto, tekste apo email-e që kishte këmbyer me futbollistin, dhe një masë panalizuese parashikohej për çdo thyerje të rregullave.
Pas ndarjes Boateng ka akuzuar Kasia për sabotim të marrëdhënies së tij me ish-të dashurën Rebeça dhe për zhantazh me qëllim që ai të qëndronte me të.
Ndërsa Kasia — e cila ka një tatuazh me emrin e futbollistit në kafazin e kraharorit — e quante të dashurin e saj ‘djalli’ dhe zotohej të ‘fliste hapur’ e të rezistonte, pasi ta rimerrte veten nga ndarja.
Boateng dhe familja e Kasias ende nuk kanë komentuar mbi dokumentet e publikuara nga Bild.
Avokati gjerman Dr Stephan Rübben tha: “Marrëveshje të tilla konfidencialiteti mund të jenë shpeshherë imorale, ato janë të njëanshme dhe favorizojnë vetëm njërtën palë”.
Kasia kishte vetëm një djalë, gjashtë-vjeçarin Noah të cilin e ka lindur kur ishte 19 vjeçe nga një marrëdhënie e mëparshme.
Polakia Kasia – emri i vërtetë i të cilës ishte Katarzyna – shoqërohej me 32-vjeçarin Boateng prej 15 muajsh, para se marrëdhënia e tyre të shpërbëhej me 2 shkurt.
Disa orë para se të gjendej e vdekur, Kasia kishte postuar në Instagram një koment ku fliste për një ‘kapitull të ri’ në jetën e saj.
25 vjeçarja Kasia, dhe futbollisti i Bayern Munchen i kishin dhënë fund vetëm para disa ditësh lidhjes së tyre dhe kishin shkëmbyer replika të ashpra në rrjetet sociale.
Një javë para vdekjes së saj Kasia, finaliste e programit gjerman të talenteve ‘Next Top Model’ kishte komentuar në llogarinë e saj në Instagram në anglisht: Këtu hiqet viza, mjaft më”.
Ndërkohë Boateng pas marrjes së lajmit po kthehet nga Katari, ku skuadra e tij po luan në Kupën e Botës së Klubeve.
25 vjeçarja Kasia Lenhardt, u gjet e vdekur nga policia në apartamentin që besohet në pronësi të Boateng në zonën luksoze të Berlinit, Charlottenborg, të martën, dhe autoritetet thonë se vdekja nuk po trajtohet si e dyshimtë.
Një mikeshë e Kasia tha për mediat se të martën ishte ditëlindja e gjashtë e djalit të saj Noah dhe se modelja ishte vetëm në shtëpi kur vdiq.
Noah është fëmija i vetëm i Kasia, i lindur nga një marrëdhënie e mëparshme.
Ndërsa Boateng ka tre fëmijë, të gjithë nga marrëdhënie të mëparshme, duke përfshirë vajzat binjake Soley e Lamia me ish-të fejuarën Sherin Senler si dhe të birin Jermar, me një grua të paidentifikuar.
Mikesha e Kasia tha për MailOnline: “Dje ishte ditëlindja e Noah. Kasia ishte vetëm në shtëpi. Ishte një anëtar i familjes së saj që telefonoi policinë pasi nuk arrinte të kontaktonte me të. Ajo vdiq një javë pasi Jerome tha në një intervistë se marrëdhënia e tyre kishte marrë fund. Ai kishte thënë disa gjëra të këqija për Kasia dhe ajo ishte mërzitur shumë”.
Vdekja e saj u konfirmua dhe nga mikesha modele Sara Kulka e cila i bënte homazh asaj në një postim në disi kriptik në Instagram: “Shpresoj që e vërteta të mësohet. Unë e di sa e dëshiroje ti këtë”.
Top Channel
