“Më ka ardhur keq që ka arritur në atë derexhe”/ Jul Deda kritikon kolegun e tij: Duhet etika, kujdes… 02/10 23:00
ODIHR ka vendosur te sjelle 24 vëzhgues afatgjate dhe 250 vëzhgues afatshkurtër për zgjedhjet parlamentare te 25 Prillit.
Pas takimeve te zhvilluara ne 25 janar me krerët e institucioneve dhe partive politike, ne opinionin e tij paraprak OHDIR rekomandon një mision te gjere monitorimi ne Shqipëri, i cili do te fokusohet ne zbatimin e identifikimit biometrik, monitorimin me abuzimet e përdorimit te burimeve shtetërore ne fushate zgjedhore dhe votimin nen masat anticovid.
Misioni i ODIHR do te shtrihet ne te gjitha zonat zgjedhore. Ne takimet e zhvilluara ne fund te janarit me ekspertet e OHDIR përfaqësuesit e institucioneve shtetërore shqiptare kërkuan një mision te gjere vëzhgimi për të siguruar një proces zgjedhor transparent dhe te gjithë pranuar.
“Të gjithë bashkëbiseduesit e Misionit të Vlerësimit të Nevojave (NAM) të ODIHR konsideruan një mision vëzhgues të zgjedhjeve në shkallë të gjerë në të gjitha rajonet si thelbësor për të siguruar një kontroll të pavarur të zbatimit të kornizës ligjore të rishikuar, duke përfshirë identifikimin biometrik të votuesve të sapo futur dhe zbatimin e tij në praktikë. Përfaqësuesit e institucioneve shtetërore informuan se do të merreshin të gjitha masat për të siguruar një proces zgjedhor transparent dhe pranuan vlerën e shtuar të rekomandimeve pas një aktiviteti vëzhgimi të zgjedhjeve të ODIHR. Një numër aspektesh meritojnë vëmendje të veçantë, përfshirë punën e administratës zgjedhore, identifikimin biometrik të votuesve, fushatën dhe mbulimin e saj nga media, zgjidhjen e mosmarrëveshjeve zgjedhore dhe procedurat e ditës së zgjedhjeve, veçanërisht në rrethanat e shkaktuara nga pandemia e COVID-19.
Bazuar në këto konsiderata, NAM ODIHR rekomandon vendosjen e një Misioni Vëzhgues të Zgjedhjeve (EOM) për zgjedhjet parlamentare të 25 Prillit. Përveç një ekipi thelbësor të ekspertëve, NAM ODIHR rekomandon dërgimin nga Shtetet pjesëmarrëse të OSBE-së të 24 vëzhguesve afatgjatë për të ndjekur procesin zgjedhor në të gjithë vendin, si dhe 250 vëzhgues afatshkurtër për të vëzhguar procedurat e ditës së zgjedhjeve, duke përfshirë votimin, numërimin e votave dhe tabelën e rezultateve. Në përputhje me metodologjinë standarde të ODIHR, EOM do të përfshinte një element të monitorimit të mediave”, thuhet ndër të tjera në raport.
Top Channel
