Një sherr në familje ka degjeneruar në dhunë e plagosje në zonën e Laprakës. Në dosjen që gazetarja e Top Channel Anila Hoxha ka siguruar për ngjarjen në fjalë, shpjegohet se si ngjarja që mund të kishte përmasa akoma më tragjike nisi thjesht për një pjatë makarona të ftohta.
Ngjarja në fjalë ka ndodhur më 17 shkurt dhe ka vazhduar më 18 shkurt me plagosjen e vëllait të viktimës, shtetases E.Z.
Më 18 shkurt në spitalin e Traumës është paraqitur i plagosur D.Z me plagë në dukje nga thika në kurriz, sup dhe qafë . Ai ka thënë se ka qenë duke pirë kafe kur përballë derës së lokalit kur është çuar për të ikur në shtëpi ka parë burrin e motrës P. A .
Ai thotë se duke qënë se P.A një ditë më parë kishte rrahur të motrën dhe djalin 3 vjeç, ai e ka goditur me grusht vetëm një herë , dhe më pas nga ky moment kunati sipas tij e ka goditur më thikë në pjesën e pasme të kurrizit ku ka marrë 3 goditje.
Për këtë ngjarje ndërkohë nga dëshmia që i është marrë edhe motrës së tij dhe bashkëshortes së P.A, shtetases E.Z , ajo tregon se konfliktet kishin nisur më 17 shkurt në shtëpinë e mamasë së saj ku ka qenë bashkë me djalin 3 vjeç.
Ata kanë dalë nga shtëpia e mamasë dhe gjatë gjithë rrugës i dehur siç ishte shante me fjalë banale njerëzit e shtëpisë dhe e pështynte kallëzuesen dhe djalin.
Kur shkuan në shtëpinë e tyre i kërkoi për të ngrënë, por ajo i tha se nuk kishte gatuar se nuk kishte lekë dhe i tha se ishin një pjatë makarona nga një ditë më parë . Ajo ja ngrohi makaronat dhe nga inati burri i saj e theu dhe u mat ta godiste me pirunin që kishte në dorë.
E trembur ajo është larguar disi, ndërkohë burri i saj goditi djalin me shpullë duke i thënë: Je ku^^^ e vogël, ty të sh^^^^^ nëna jote.
Dhuna ndaj saj ka vazhduar pasi burri ka marrë çelsin me të cilin montohet bombola e gazit dhe e ka gjuajtur në kokë por dhe me grushta. Pas kësaj ajo tregon se ai mori një sqepar dhe ia hodhi asaj por ajo u shmang dhe sqepari ra në mur të shtëpisë.
Por torturat për të nuk kanë mbaruar këtu, ajo tregon se pasi është munduar të vërë djalin në gjumë , përsëri burri i saj P.A është afruar te dollapi dhe e ka goditur me grushta në trup dhe kokë e kurriz, ku e ka goditur dhe me cekiç në kurriz si pasojë e të cilës ajo ra pa ndjenja .
Sikur mos të mjaftonte nga rrëfimi i kallëzues, në dosjen që ka TCh, ai e ka mbyllur në banjo në errësirë pasi e ka lagur me ujë në të gjithë trupin , duke i thënë: kur të them unë do dalësh nga banja.
Pas ngjarjes, të nesërmen në datë 18 shkurt, ajo ka shkuar te e ëma dhe i ka treguar çfarë kishte ndodhur, në prezencë dhe të vëllait. Mamaja e saj më pas kishte shkuar në shtëpinë e tyre, për të folur me dhëndrin për ngjarjen i cili thoshte se s’mbante mend gjë, ndërsa tha : Nuk jam për ty më mirë ndahemi.
Pas kësaj mamaja e kallëzues i ka thënë se vajza dhe djali do rrinë në shtëpinë e tyre dhe bën mirë që ai mos tu afrohet.
Gjatë ditës kallëzuesja dhe vëllai i saj kanë shkuar në shtëpi për të marrë rrobat dhe pasdite vonë në shtëpinë e nënës së saj vjen P.A për t’i kërkuar çelsin e shtëpisë së tyre, kur ajo u fut brenda për ta marrë pasi doli pas se bashkëshorti i saj kishte qëlluar me thikë buke, rreth 25 cm , të vëllanë dhe u largua duke thënë “do iu vras të gjithëve”.
Pas kësaj kallëzuesja bashkë me djali i xhaxhit të saj e çuan të vëllanë në spitalin Ushtarak.
Ndërkohë që autori është shpallur në kërkim, ndërsa dhe më parë ka qenë në burg po për veprën dhunë në familje.
Top Channel
