Debate në KLP, Tiranës dhe Elbasanit i mungojnë 51 prokurorë
18/07 21:17
Në fshatin Xibër Murrizë të Klosit, kanë mbetur 150 familje. Banorët besnikë janë të moshuarit, të rinjtë ikin nga këtu sapo përfundojnë shkollën e mesme.
Mungesa e rrugës, është ajo që të largon nga fshati i izoluar. Vizitorët këtu janë të pakët. Këtë dimër të vetmit kalimtarë ishin ne, grupi i xhirimit të TCH, ndërsa ishim në kërkim te zonave në izolim te plote jo vetëm nga dimri. Por në vjeshtë atëherë kur korrën dhe të mbjellat, banorët e fshatit dhe fqinjët përreth i mbledh mulliri shekullor i fshatit.
Mulliri i fshatit është 100 vjecar, të gjitha banorët e zonës pasi korrin misrin gjatë periudhës së vjeshtës vijnë dhe e bluajnë aty.
Për ta vënë në punë mullirin nuk ka nevojë për energji elektrike, është uji që vë në lëvizje fletët e mullirit të gurit.
-Si funksionon ky mulli?
“E ndezim. Shumë thjeshtë ja heqim këtë dërrasën dhe është gati për bluarje”.
-Kush e mirëmban?
“Këtë e mirëmbaj unë, kam 12 vjet që kujdesëm për të”.
-Ka shumë punë gjatë kohës së korrjes?
“Po ka sepse vijnë dhe nga fshatrat e tjera”.
-Paguajnë për bluarjen e misrit apo të grurit?
“Po, 5 lekë për kilogram tarifë shumë e vogël. Ky është mulli special, fabrika nuk mund e nxjerr si ky mielli”.
Banorët e zonës thonë se buka këtu ka shije të veçantë.
Gjatë stinës së dimrit ky fshat izolohet, reshjet e borës në Xinër Murrizë shkojnë mbi 60 centimetra. Familjet që mbesin pa miell, urinë mund ta shuajnë me bukën e misrit.
” Ky mulli është shumë i veçantë pasi bukën e nxjerr super, nuk e ndjek miellin. Por ka dhe një rol tjetër të veçantë nëse diku nuk ka lekë të blej miell gruri merr një thes me misër dhe vjen e blua këtu. Kështu nuk mbet pa bukë. Është zgjidhja e vetme që të mos mbetesh pa bukë”.
Top Channel
