Zbardhet Elbasani/ Jo udhëtime pa goma dimri dhe zinxhirë

Që prej mëngjesit të kësaj të shtune Elbasani vazhdon të jetë nën ritmin e reshjeve të dendura të dëborës.

Nga sa raportohet nga shtabet e emergjencave civile, deri në këto momente nuk ka problematika të theksuara në akset rrugore, kemi disa fshatra të bllokuara në Bashkinë e Elbasanit, por kjo për shkak te rrëshqitjes së dherave.

Ndërsa akset nacionale deri tani janë të gjitha të kalueshme  për drejtuesit e mjeteve. Por duket që nuk do të jetë kështu në orët në vazhdim, ndërsa intensiteti i reshjeve të dëborës pritet të jetë i lartë ndërsa në disa zona malore të bashkisë së Elbasanit si Labinoti Mal, apo fshatra të Librazhdit trashësia e dëborës pritet t’i kalojë 40 cm.

Sigurisht duke sjellë edhe vështirësi. Policia rekomandon drejtuesit e mjeteve që në orët e pasdites dhe të natës, të mos udhëtojnë pa goma dimërore apo pa praninë e zinxhirëve. Pasi temperaturat e ulëta por edhe instensiteti i i reshjeve të dëborës që pritet të vijë gjithashtu do të jenë në rritje dhe do të shkaktojë rrëshqitje në rrugë.

Top Channel