Dëbora shkakton vështirësi në Rrugën e Kombit/ Disa makina përdorin zinxhirë, borëpastrueset nisin punën

Gazetari i Top Channel, Muhamed Veliu ka parë nga afër situatën në Rrugën e Kombit, në dalje të tunelit në drejtim të Kukësit.

Reshjet e forta të dëborës shoqërohen nga era dhe e vështirësojnë lëvizjen në këtë aks rrugor. Shpejtësia maksimale e udhëtimit është rreth 30km/h dhe jo më shumë. Shumë prej makinave e kanë pasur të pamundur dhe janë detyruar të vendosin zinxhirët.

Në të gjithë këtë aks ka nisur puna e borëpastruesve për të larguar borën nga rruga në mënyrë që makinat mund të udhëtojnë normalisht.

Top Channel