Surpriza të shumta në Champions/ Reali dhe Bayerni mposhten në transfertë, Juventus përmbys me 10 lojtarë Leipzig (Rezultatet dhe Renditja) 02/10 23:05
Manchester City vrapon drejt titullit kampion, pasi mbrëmjen e sotme ia doli të triumfojë me rezultatin e thellë 1-4 në transfertën ndaj Liverpoolit në “Anfield Road’ dhe shkoi në kuotën e 50 pikëve, 5 më tepër se Manchester United i vendit të dytë.
Krye-sfida e javës në kampionatin anglez ishte mjaft spektakolare, sidomos në pjesën e dytë, kur edhe u shënuan të 5 golat e ndeshjes, por në fund ishin ‘citizens” ata që festuan fitoren e 10 radhazi.
Liverpool e nisi mirë ndeshjen, duke fituar një epërsi territoriale, por pa mundur të shkojë rrezikshëm në portën e Ederson, ndërsa Manchester City pati mundësinë më të mirë të shënimit në pjesën e parë, por Gundogan shpërdoroi një 11-metërsh.
Pjesa e dytë nisi vrullshëm për skuadrën e Guardiolës, që zhbllokoi sfidën në minutën e 49’ pikërisht me anë të mesfushorit turko-gjerman, i cili korrigjoi gabimin e bërë nga pika e penalltisë, pasi mposhti portierin Alisson.
Liverpool riktheu baraspeshën në minutën e 63-të me anë të golshënuesit kryesor këtë sezon, Mohamed Salah, i cili ekzekutoi saktë një penallti dhe dërgoi topin në rrjetën e portierit Ederson.
Më pas gjithçka foli për “citizens” që nga minuta e 73-të deri në të 83-ën shënuan edhe tre herë të tjera, me Gundogan, Sterling e Foden, duke kompletuar suksesin në një fushë të vështirë dhe ndaj një rivali direkt për titullin.
Kjo ishte humbja e dytë radhazi në harkun e 4 ditëve në “Anfield Road” për Liverpoolin, që mbetet në kuotën e 40 pikëve dhe tani me 10 pikë larg kreut, duket e pamundur të tentojë mbrojtjen e titullit kampion.
Top Channel
