Departamenti i anti drogës greke në bashkëpunim me DEA-n amerikane dhe shërbimet policore të Serbisë dhe Shqipërisë shkatërruan një organizatë të trafikimit të kokainës nga vendet e Amerikës latine në Europë.
Sipas informacioneve të para, lënda narkotike ka mbërritur në qytetin e Janicasë, në Greqinë veriore në një kontejner me fruta ekzotike, ku pasi është magazinuar prej një shtetasi grek ka nisur shkarkimin.
Autoritet kishin informacion në rrugë operative dhe agjentët kanë ndërhyrë duke i kapur në flagrancë në momentin e peshimit.
Deri tani janë arrestuar 3 persona, 1 shqiptar 37-vjeç, 1 kroat 36-vjec dhe 1 tjetër shqiptar 35-vjec (minoritar grek me pasaportë greke).
Vlera e kokainës llogaritet në mbi 100 milionë euro nëse tregtohej me doza në piacën e narkotikëve të Greqisë. Në kërkim është ende një prej krerëve të organizatës. Thyhet se i shpalluri në kërkim është me shtetësi serbe. Dyshohet se kokaina do të shpërndahej në tregun vendas të narkotikëve dhe përfitimet prej shitjes llogariten në miliona euro.
Sipas agjentëve, organizata ka lidhje me degë të saj në disa vende europiane.
Top Channel
