Metroja e re në Greqi vë në shfaqje zbulimet arkeologjike të gjetura gjatë punimeve (fotot) 27/11 17:41
Kina ka paralajmëruar se çdo përpjekje e Tajvanit për të kërkuar pavarësi do të thotë luftë
Paralajmërimi vjen ditë pasi Kina intensifikoi aktivitetet e saj ushtarake dhe dërgoi avionët e saj ushtarakë afër ishullit. Ndërkohë, presidenti amerikan Joe Biden ka riafirmuar angazhimin e tij ndaj Tajvanit dhe ka prezantuar qëndrimin e tij për Azinë. Duke reaguar ndaj deklaratës së Kinës, SHBA e quajti atë të pafat dhe shtoi se tensionet në lidhje me Taivanin nuk duhet të ccojnë në konfrontim. Kina e shikon Tajvanin demokratik si një provincë separatiste, por Tajvani e sheh veten si shtet sovran.
“Ne i themi me seriozitet të plotë forcave të pavarura në Tajvan: ata që luajnë me zjarrin digjen dhe pavarësia e Tajvanit do të thotë luftë”, tha zëdhënësi i ministrisë së mbrojtjes në Kinë, Wu Qian.
Ai po ashtu mbrojti aktivitetet e fundit ushtarake të Kinës duke thënë se bëhet fjalë për veprime të nevojshme për të adresuar situatën aktuale të sigurisë në ngushticën e Tajvanit dhe për të ruajtur sovranitet dhe sigurinë kombëtare.
Top Channel
