Udhëtimi i dy vajzave përfundoi tragjikisht mbrëmjen e së martës në aksin Fier-Vlorë.
Në vendin e njohur si Kripa, automjeti i tyre doli nga rruga dhe u përplas me murin mbrojtës.
Pasagjerja Anxhela Capo 23 vjeç ndërroi jetë në vend, ndërsa shoqja e saj, drejtuesja e mjetit Silvana Muho, edhe ajo 23 vjeç, mbeti e plagosur dhe u dërgua drejt Spitalit rajonal të Vlorës. Më pas ajo u arrestua nga policia. Nga hetimet paraprake dyshohet se shkak i aksidentit mund të ketë qenë shpejtësia e mjetit jashtë normave të lejuara.
Një 30 vjeçar ka humbur jetën si pasojë e një aksidenti në aksin rrugor Fier-Patos. Në afërsi të fshatit Portëz. Viktima Klement Basha ishte duke udhëtuar me një mjet tip Mercedes Benz kur është përplasur me një kamion që transportonte. Shkak dyshohet të ketë qenë parakalimi i gabuar i 30-vjeçarit dhe terreni i rrëshqitshëm.
30-vjeçari ishte duke shkuar në punë pasi punonte infermier në spitalin e Fierit. Në vendin e ngjarjes mbërritën forcat e policisë dhe punonjës zjarrfikës, të cilët mundësuan nxjerrjen e viktimës nga automjeti, i cili kishte pësuar dëmtime të rënda. Gjatë natës dhe orëve të para të mëngjesit, aksi rrugor Fier-Patos ishte i rrëshqitshëm për shkak të temperaturave të ulëta.
Top Channel
