Metroja e re në Greqi vë në shfaqje zbulimet arkeologjike të gjetura gjatë punimeve (fotot)
27/11 17:41
Donald Trump dhe Mike Pence, foto ilustruese
Presidenti i Shteteve të Bashkuara, Donald Trump, dhe nënpresidenti Mike Pence u takuan të hënën në mbrëmje, për herë të parë qëkur mbështetësit e dhunshëm të Trumpit sulmuan ndërtesën e Kongresit.
Dhuna e 6 janarit teksa Pence ishte duke drejtuar seancën e Kongresit për certifikimin e fitores së Joe Bidenit.
Një zyrtar i lartë i administratës u tha mediave se Trump dhe Pence zhvilluan një “bisedë të mirë”. Zyrtari la të kuptohet se Pence nuk e ka ndërmend t’i nënshtrohet kërkesës së demokratëve për aktivizimin e Amendamentit 25 të Kushtetutës, i cili do ta shpallte Trumpin të paaftë për kryerjen e detyrave presidenciale. Trump dhe Pence “përsëritën se ata që thyen ligjin dhe sulmuan Kongresin javën e kaluar, nuk përfaqësojnë lëvizjen ‘Amerika e para’, të mbështetur nga 75 milionë amerikanë”, tha zyrtari.
Dyshja “u zotua se do ta vazhdojë punën në emër të vendit, për pjesën e mbetur të mandatit”, shtoi zyrtari. Pence raportohet se ka qenë i zemëruar me Trump, i cili, i ka nxitur mbështetësit që të marshojnë drejt Kongresit, me pretendime të pabaza për mashtrime në zgjedhje.
Presidenti gjithashtu e ka kritikuar hapur Pence, duke thënë se ai nuk pati guximin të përmbyste rezultatin e zgjedhjeve. Trump, i cili është bllokuar nga Twitter dhe media të tjera sociale, ka heshtur për dhunën në Senat.
Demokratët e Dhomës së Përfaqësuesve kanë prezantuar një rezolutë për gjykimin e Trump, nëse Pence dhe kabineti nuk e heqin atë nga detyra ose nuk e shtyjnë të japë dorëheqje.
Top Channel
