Tiranë/ Shtatë të arrestuar për drogë, vjedhje në qendër tregtare dhe…

08/01/2021 12:41

Shtatë persona kanë rënë nën prangat e policisë në Tiranë, të akuzuar për vjedhje, drejtim mjeti në gjendje të dehur dhe pa patentë, si dhe u kapën me lëndë narkotike.

Kështu, është arrestuar shtetasi E.D., 19-vjeç pasi gjatë kontrollit fizik të ushtruar iu gjet dhe iu sekuestrua një sasi lënde narkotike kanabis. E njëjta gjë ka ndodhur edhe me shtetasin J.SH., ku gjatë kontrollit të ushtruar në mjetin me të cilin ky shtetas qarkullonte u gjet dhe u sekuestrua një sasi lënde narkotike .

Dy persona të tjerë u arrestuar pasi u kapën duke vjedhur në nj qendër tregtare, ndërsa dy të tjerë për drejtim mjeti pa leke përkatëse dhe në gjendje të dehur.

Njoftimi i policisë/Tiranë

Arrestohen në flagrancë 7 shtetas, për vepra të ndryshme penale.

Forcat e posaçme “Shqiponjat”, në bashkëpunim me Seksionin për Hetimin e Narkotikëve, në vijim të goditjeve të njëpasnjëshme kundër aktivitetit kriminal në fushën e shpërndarjes së lëndëve narkotike, bazuar në informacionet e siguruara në rrugë operative nga burime të ndryshme, goditën një tjetër rast. Si rezultat u bë arrestimi në flagrancë i shtetasit J. Sh., 29 vjeç, pasi në rrugën “Kujtim Laro”, gjatë kontrollit të ushtruar në mjetin me të cilin ky shtetas qarkullonte u gjet dhe u sekuestrua një sasi lënde narkotike e dyshuar cannabis sativa.

Specialistët për Hetimin e Krimit në Komisariatin e Policisë Nr. 2, në bashkëpunim me Seksionin për Hetimin e Narkotikëve, bënë arrestimin në flagrancë të shtetasit E. D., 19 vjeç, pasi gjatë kontrollit fizik të ushtruar iu gjet dhe iu sekuestrua një sasi lënde narkotike e dyshuar cannabis sativa.

Nga specialistët për Hetimin e Krimit në Komisariatin e Policisë Nr. 1 u bë arrestimi në flagrancë i shtetasve A. G., 18 vjeç dhe A. L., 24 vjeç, pasi janë kapur në flagrancë duke vjedhur në një qendër tregtare.

Specialistët e Qarkullimit Rrugor bënë arrestimin në flagrancë të shtetasve:

P. N., 56 vjeç, pasi u kap në flagrancë duke drejtuar mjetin pa lejen përkatëse;

E. A., 25 vjeç dhe D. M., 55 vjeç, pasi u kapën në flagrancë duke drejtuar mjetet përkatëse në gjendje të dehur.

Materialet i kaluan Prokurorisë së Rrethit Gjyqësor Tiranë, për veprime të mëtejshme.

Top Channel

DIGITALB DIGITALB - OFERTA