Përmbytjet vdekjeprurëse në Spanjë/ Si banorët e Valencias u bllokuan pa asnjë paralajmërim, fatkeqësia më e madhe natyrore në dekada 02/11 22:57
Shteti aziatik do të fillojë vaksinimin anticovid me vaksinën e prodhuar nga Moderna.
Ministria e Shëndetit e Izraelit ka autorizuar vaksinën e krijuar nga prodhuesi amerikan i ilaçeve Moderna Inc, thanë kompania dhe një zyrtar izraelit, duke shënuar autorizimin e tretë rregullator të vaksinës dhe të parën jashtë Amerikës së Veriut.
“Ministria e Shëndetësisë së Izraelit ka siguruar 6 milion doza dhe dërgesat e para pritet të fillojnë në janar,” tha Moderna në një deklaratë të hënën.
Ministri i Shëndetësisë, Yuli Edelstein tha se nuk kishte njohuri për dërgesat që mbërrinin këtë muaj.
“Ne me siguri do të shohim dërgesën nga kompania brenda dy muajsh“, u tha Edelstein gazetarëve. “Sapo vaksinat të mbërrijnë ne do t’i përdorim ato me kënaqësi.”
Moderna ka marrë autorizim për vaksinën antiCovid-19 në Shtetet e Bashkuara dhe Kanada dhe autorizimet po shqyrtohen në Bashkimin Evropian, Singapor, Zvicër dhe Britani.
Izraeli ka filluar të vaksinojë popullsinë e tij në një nga nivelet më të shpejta në botë, dhe synon të arrijë të gjithë qytetarët e rrezikuar deri në fund të janarit. Autoritetet filluan vaksinimet në 19 dhjetor duke përdorur vaksinë e prodhuar nga Pfizer dhe BioNTech.
Izraeli, i cili ka një popullsi prej rreth 9 milion, ka raportuar më shumë se 450,000 raste COVID-19 dhe 3,448 vdekje nga sëmundja.
Burimi: Reuters
Top Channel
