Zëvendëskryeministri i Malit të Zi, Dritan Abazoviç ka reaguar pas arrestimit të të dyshuarve në vrasjen e mbetur në tentativë të gazetares Olivera Lakiq.
Ai thotë se arrestimi i tyre nuk do të thotë shumë sepse duhet të gjenden porositësit.
“Vullneti politik, i cili nuk ka qenë atje deri më tani më në fund ekziston! Prandaj, të gjithë të bëjnë pjesën e tyre të punës”, shkroi politikani shqiptar në llogarinë personale në Twitter.
Ai kujtoi se Lakiq ka hulumtuar për kontrabandën e cigareve dhe rastet më komplekse të krimit të organizuar për dhjetë vjet, si dhe lidhjet e tyre me majat e ish-qeverisë.
“Qeveria e Malit të Zi u jep mbështetje absolute gazetarëve të guximshëm hulumtues dhe duhet të krijojë një mjedis për punën e tyre të pandërprerë”, përfundoi Abazoviç.
Prokurori special Sasa Cadjenoviq vuri në dukje se dy të dyshuar për planifikimin e vrasjes së Lakiqit u arrestuan ndërsa për këtë, autorët ishin paguar 150 mijë euro.
Top Channel
