Arrestohet 26-vjeçari në Bulqizë/ Policia e kontrollon në lokal, i gjen drogë gati për shitje

11/12/2020 09:56

Një 26-vjeçar ka rënë në pranga në Bulqizë, pasi posedonte lëndën narkotike.

Pas informacioneve të marra në rrugë operative se një shtetas posedonte dhe shpërndante lëndë narkotike në doza, efektivët kanë arrestuar shtetasin G. H., 26 vjeç, banues në Bulqizë.

Arrestimi i tij u bë pasi, në një lokal, në qytetin e Bulqizës, gjatë kontrollit fizik, shërbimet e Policisë i kanë gjetur disa doza me lëndë narkotike të dyshuar canabis sativa, gati për shitje, të cilat u sekuestruan në cilësinë e provës materiale.

Materialet hetimore i kaluan Prokurorisë pranë Gjykatës së Shkallës Parë Dibër për veprime të mëtejshme.

Top Channel