Në 14 tetor të vitit 2019, në mëngjes, shtetasi Gentjan Kamberi është paraqitur pranë Ministrisë së Drejtësisë. Me 6 thasë të zinj në duar, ai ka hyrë në hollin e Ministrisë. Në thasë kishte me mijëra fletë dokumenta dhe fashikuj, që në fakt ishin praktika përmbarimore.
Ditë më vonë rezutoi se ky person ishte postier dhe punonjës i shoqërisë Albanian Debt Collection.
Nga një vëzhgim i shpejtë, kuptohej se dosjet i përkisnin shoqërive përmbarimore ZiG shpk, STAR apo FS. Pas shoqërimit nga policia Gentjan Kamberi ka pranuar se e ka dërguar Arben Meskuti që të dorëzonte thasët e zinj me dosje.
Pas dy ditësh, pra, në 16 tetor 2019 ky shtetas është shfaqur përsëri në ambientet e Ministrisë së Drejtësisë. Me më shumë siguri se herën e parë, ka thënë se ka sjellë më shumë dosje.
Ndërkohë pas disa ditësh në 28 tetor të 2019 Gentjan Kamberi sëbashku me disa të tjerë kanë zbarkuar në ambientet e brendshme të pritjes me publikun në Ministrinë e Drejtësisë.
Ata kanë lënë në mënyrë demostartive 104 thasë të zinjë me materiale përmbarimore. Askush nuk mori përsipër dorëzimin e tyre por thjesh u larguan. Ky proces është kryer nën survejimin e kamerave të ministrisë nga ora 08:00 deri në 09:00.
Përveç punonjësve të ministrisë aty kanë qënë të pranishëm edhe ish përmbaruesi Arben Meskuti dhe Aldo Daka.
Po atë ditë janë paraqitur në ministri edhe ish përmbaruesit Roland Deda, Albert Gega, Renato Ziu, Kejda Seferi dhe Alketa Tanushi.
“Nese nje individ le profesionin ai patjeter duhet qe te gjithe dokumentacionin qe ka grumbulluar gjate gjithe eksperiences se tij duhet ta dorzoje ne Ministrine e Drejtesise sepse ato jane dosje qe permbajne veprime ligjore per qytetaret”u shpreh Saimir Hoxha, përmbarues.
Të gjithë përmbaruesit e përmendur më sipër nuk kanë pranuar që të nëshkruajnë për këto material. Ata kanë dhënë të njëjtën përgjigje të sikronizuar se : Nuk kemi dosje, nuk kemi çfarë të dorëzojmë!
104 thasët e braktisur përmbanin materiale përmbarimore të Shërbimit Përmbarimor ZiG, Star dhe me emrin e ndryshuar FS. Nga numërimi paraprak rezultoi se ishin 2800 dosje të shërbimit Zig. Ndërsa 36 thasë me rreth 3 mijë dosje të tjera përmbarimore me dokumentat kaotike, i përkisnin shoqërisë përmbarimore STAR.
Emisioni i plotë:
Top Channel
