Çfarë ndodh me trupin gjatë fluturimeve të gjata? 30/09 22:55
8 dhjetorin e vitit 1980 do të qëllohej për vdekje një nga ikonat më të fuqishme të prodhuara ndonjëherë nga kultura popullore.
Megjithatë, kujtimi i njeriut që falë muzikës dhe angazhimit të tij për paqe, ndryshoi botën, mbetet i pashlyer.
“Hej, Z. Lennon, do të hysh në histori”, thirri Mark David Chapman teksa i afrohej ish-Beatlesit përpara derës së godinës luksoze, ku ai banonte në New West Side të New York-ut.
Pastaj hapi zjarr, duke e qëlluar në shpinë. Lennon u shemb përdhe; portieri e mbuloi me xhaketën e tij duke i hequr syzet me njolla gjaku. Ndërsa Chapman nuk lëvizi nga vendi; ai qëndroi në skenën e krimit, nxori një libër e nisi ta lexonte. Katër dekada më parë, kjo vdekje tronditi botën, por mbi të gjitha një brez që ishte rritur duke u ushqyer me idealet kundër dhunës, një pjesë të të cilave vetë Lennon i kishte frymëzuar me albumin e tij më të suksesshëm, “Imagine”.
Kjo këngë do të shndërrohej në një himn ndërkombëtar të pacifizmit. Rindërtimi i asaj vrasjeje ka qenë temë filmash, librash e teorish të pafundme konspirative. Lennon nuk ishte vetëm themeluesi i një grupi që bëri epokë në muzikë, veshje, modë dhe pop art, duke regjistruar 186 këngë pothuajse të gjitha të suksesshme; ai ishte njëkohësisht artisti dhe aktivisti që në më pak se 10 vjet si solist shkroi këngë si “Jepi Paqes një Shans”.
Vrasja e John Lennon-it vazhdon të mbetet një mister, edhe pse Chapman është përpjekur t’i japë një arsye gjestit të tij, herë duke u hequr si një i krishterë i flaktë që donte të hiqte qafe muzikantin, i cili thoshte se Zoti është vetëm një koncept dhe herë të tjera sepse donte te zhdukte njeriun më të famshëm në botë për të shpëtuar, siç thoshte, nga depresioni i tij kozmik.
Top Channel
