“Memet do ndalohen me ligj”/ Rama përgënjeshtron: Asnjë shans s’ka, ku ta gjenim që dhe këta orakuj të kombit të merreshin me meme!

03/12/2020 18:02
Kryeministri Edi Rama

Ndërkohë që sot qarkulloi lajmi se memet do ndalohen me ligj, ka ardhur dhe reagimi nga kryeministri Edi Rama.

Kryeministri Edi Rama hedh poshtë një të tillë, ndërsa shkruan se “Po si mund të ndalohen memet me ligj na e thonë dot këta orakuj të kombit? Asnjë shans s’ka, ku ta gjenim që dhe këta të merreshin me meme që të vlenin për diçka!”.

Kryeministri Rama në Twitter:

Shih shih qenkan revoltuar ca analistë se do u dënokan memet me Kod Penal, duke u nisur nga s’di ç’material jozyrtar! Po si mund të ndalohen memet me ligj na e thonë dot këta orakuj të kombit? Asnjë shans s’ka, ku ta gjenim që dhe këta të merreshin me meme që të vlenin për diçka!

Ndërkohë më herët në një reagim të ministrisë së Drejtësisë, lidhur me ndryshime të mundshme të Kodia Penal thanë: duam t’ju sqarojmë se materialet që po qarkullojnë në media janë ende një dokument pune, nga grupi i ekspertëve, propozime këto të cilat janë zbardhur si pjesë e diskutimeve në seancat e konsultimit publik. Sqarojmë se dokumenti që po qarkullon nuk është draft final, pasi po punohet në vazhdimësi.
Ministria e Drejtësisë ka përmbyllur procesin e konsultimit publik dhe tani ekspertët dhe praktikantët e ligjit të grupit të punës do të finalizojnë projektligjin, i cili pasi të konsultohet teknikisht, do të depozitohet në Këshillin e Ministrave.

Top Channel