Unioni i biznesit farmaceutik i ka dërguar një letër ankese , Fondit të detyrueshëm të kujdesit shëndetësor dhe ministrisë së Shëndetësisë ku i kërkon të korrigjojnë menjëherë shkeljen e bërë nga Fondi në lidhje me udhëzimin e dërguar për rimbursimin e barnave për trajtimin e pacientëve me covid në banesë i cili orienton mjekun dhe pacientin vetëm drejt një bari apo suplementi pra vitaminat, sipas emrit tregtar dhe depove të autorizuara prej tyre, duke i favorizuar ato e duke përjashtuar depo të tjera që kanë të njëjtin bar apo vitamina.
Në letër ankese thuhet se kjo praktikë e ndjekur nga Fondi si asnjëherë tjetër është e kundërligjshme dhe cënon veprimtarinë e tyre treg duke shkelur konkurencën e lirë dhe e ndershme. Kjo praktike e ndjekur nga Fondi bie ndesh me praktikën e ndjekur me listën e barnave të rimbursueshme ku për një lloj bari përfshihen të gjitha barnat zëvendësuese tëe deklaruara në treg .
Për më tepër thuhet në letër ankese kjo praktikë e ndjekur nga Fondi nuk mund të justifikohet me përzgjedhjen e barnave me çmimin më të lirë në treg pasi jo vetëm që ka edhe të tjera me çmim më të lirë, por në këtë rast nuk rimbursohet 100 % skema e trajtimit të pacientit pasi janë përcaktuar 16 mijë lekë të vjetra për një pacient me covid në stad të lehtë dhe 10 9 mijë lekë të vjetra për një pacient me covid që është në stad më të komplikuar. Sipas eksperteve të farmaceutikes në këtë rast mund të përfshihen në dy paketat e trajtimit e të gjitha barnat dhe suplemente me të njëjtin emër xhenerik dhe formë doze . Duke i dhënë të drejtë pacintë të jetë i lirë të zgjedhe vetë se cilin bar do të marrë dhe nga ana tjetër nuk cënon konkurencën në treg. Për më tepër kjo nuk do të ndikonte aspak në vlerën e rimbursimit që ofron Fondi për secilën paketë të rimburismit .
Ndaj në ketë letër ankesë theksohet për një ndërhyrje të shpejtë.
Top Channel
