Operacioni “Kashnjeti”/ Sekuestrohen armë zjarri, pranga 61-vjeçarit në Lezhë

27/11/2020 10:58

Një 61-vjeçar është vënë nën prangat e policisë për armëmbajtje pa leje.

Është finalizuar operacioni policor “Kashnjeti” dhe janë sekuestruar një armë zjarri dhe një armë gjahu, si dhe është vënë nën pranga poseduesi i tyre.

Gjatë kontrollit të ushtruar në dyqanin e këtij shtetasi, shërbimet e Policisë gjetën dhe sekuestruan në cilësinë e provës materiale një armë zjarri automatik dhe një armë gjahu.

Njoftimi i policise/ Lezhë

Finalizohet operacioni policor i koduar “Kashnjeti”, për goditjen e armëmbajtjes pa leje.

Operacioni nga Forca Operacionale në DVP Lezhë, në bashkëpunim me Komisariatin e Policisë Lezhë.

Sekuestrohen 1 armë zjarri dhe 1 armë gjahu.

Arrestohet në flagrancë poseduesi i tyre.

Në zbatim të planit të masave për evidentimin dhe ndëshkimin e personave që mbajnë armë pa leje, strukturat e DVP Lezhë, bazuar dhe në informacionet e siguruara në rrugë operative, zhvilluan dhe finalizuan operacionin policor të koduar “Kashnjeti”, në kuadër të të cilit u bë kapja dhe arrestimi në flagrancë i shtetasit:

-N. P., 61 vjeç, banues në Kashnjet, Lezhë.

Gjatë kontrollit të ushtruar në dyqanin e këtij shtetasi, shërbimet e Policisë gjetën dhe sekuestruan në cilësinë e provës materiale një armë zjarri automatik dhe një armë gjahu.

Materialet iu referuan Prokurorisë së Rrethit Gjyqësor Lezhë, për veprat penale “Mbajtja pa leje e armëve luftarake”dhe “Mbajtja pa leje e armëve të gjuetisë dhe sportive”.

Top Channel