‘Dibra humbi profesionistin e përkushtuar’/ Covid-19 i merr jetën zv.drejtorit të Spitalit të Dibrës

25/11/2020 12:08

Covid-19 i merr jetën mjekut pneumolog doktor Ibrahim Kaziu njëkohësisht zv.drejtor i Spitalit Rajonal Dibër.

Megjithë përpjekjet dhe mbështetjen e madhe të kolegëve, doktori që ka shëruar me qindra pacientë me pneumoni nuk ja doli ta fitojë betejën e tij me Covid-19.

Lidhur me këtë ngjarje ka reaguar edhe kreu u Bashkisë së Dibrës, Dionis Imeraj, ku në një postim në Facebook shkruan:

“Mjaft i trishtë lajmi për ndarjen parakohe nga jeta të doktor Ibrahim Kaziut.

Dibra humbi mjekun profesionist e të përkushtuar, njeriun human, që u shërbeu me devotshmëri dibranëve deri në ditët e fundit.

I shpreh ngushëllimet e përzemërta familjarëve, të afërmve, kolegëve, miqve e gjithë dibranëve për ktë humbje të madhe!

Zoti të shpërbleftë me xhehnet mundin e sakrificën doktor Ibrahim Kaziu!

I paharruar!”

Top Channel