Vaksinat anticovid, reagon Rama: Mund të marrim nga të gjitha llojet, pavarësisht çmimit

Sipas Ramës, një grup njerëzish po punojnë për diplomacinë e vaksinës dhe shpreson që edhe Shqipëria të përfitojë njëkohësisht me vendet e BE.

“Sasia që do prodhohet nuk do jetë e nevojshme që ditën e parë. Na duhet që të mos mbetemi në bisht dhe të vëmë në dispozicion për kategoritë e njerëzve në fillim sa më shpejt. Nuk jemi në avantazhin e vendeve prodhuese, apo të mëdha e të  fuqishme apo nga BE. Po bëjmë çmos të mos mbetemi jashtë këtij procesi dhe të mos presim në fund. E lirë e shtrenjtë është tjetër temë. Nuk kemi lënë gjë mangët lidhur me elementët më të rëndësishëm të jetës. Nuk do e lejmë mangët këtë detyrim pavarësisht çmimit. Mund të marrim edhe nga të gjitha llojet nëse do kemi mundësi. Nuk po fokusohen në një vaksinë. Është procesin intensiv dhe kemi një grup njerëzish që po merren me diplomacinë e vaksinës. Shpresoj të mos mbetemi mbrapa.” tha Rama.

Top Channel