Shkeli urdhrin e mbrojtjes e kërcënoi me thikë bashkëshorten, në pranga 41-vjeçari

19/11/2020 12:24
Foto ilustruese

Një ngjarje e rëndë kriminale në familje është parandaluar ditën e sotme në Yrshek të Tiranës.

41-vjeçari shkeli urdhrin e mbrojtjes e kërcënoi me thikë bashkëshorten e tij. Ç. M. kishte shkelur urdhrin e mbrojtjes të vendosur nga Gjykata për bashkëshorten e tij dhe po ushtronte dhunë fizike dhe psikologjike ndaj saj.

Njoftimi i policisë:

Tiranë/ Shërbimet e Komisariatit të Policisë Nr. 6 parandalojnë një ngjarje të rëndë kriminale në familje. Shkeli urdhrin e mbrojtjes dhe kërcënoi me thikë bashkëshorten e tij, falë ndërhyrjes në kohë të Policisë u vu në pranga 41-vjeçari. 41-vjeçari i dënuar më parë për veprën penale “Dhuna në familje”. Shërbimet e Komisariatit të Policisë Nr. 6, pas njoftimit të marrë se në Yrshek, në ambientet e banesës, shtetasi Ç. M. kishte shkelur urdhrin e mbrojtjes të vendosur nga Gjykata për bashkëshorten e tij dhe po ushtronte dhunë fizike dhe psikologjike ndaj saj, si dhe po e kërcënonte atë me thikë, menjëherë kanë shkuar në adresën e dhënë duke parandaluar përshkallëzimin e mëtejshëm të dhunës dhe ngjarjen e mundshme kriminale. Shërbimet e Policisë kanë prangosur shtetasin Ç. M., 41 vjeç, si dhe kanë sekuestruar në cilësinë e provës materiale mjetin prerës (thikë), me të cilën ky shtetas e kërcënonte për ta vrarë bashkëshorten e tij. Materialet i kalojnë Prokurorisë pranë Gjykatës së Shkallës së Parë Tiranë, për veprime të mëtejshme.

Top Channel