Uashingtoni i dha dritën jeshile përdorimit të raketave me rreze të gjatë, reagon Zelenksy 17/11 22:37
Kuvendi i Shqipërisë
Seanca plenare e Kuvendit që ishte planifikuar të mbahej ditën e nesërme nuk do të mbahet për shkak të masave të reja për të parandaluar pandeminë e COVID-19.
Sipas njoftimit, puna në komisionet parlamentare do të vazhdojnë online. Kryetari i Kuvendit, Gramoz Ruçi, i është drejtuar Komitetit Teknik të Ekspertëve dhe Ministres së Shëndetësisë dhe Mbrojtjes Shoqërore, Ogerta Manastirliu, për të bërë një interpretim lidhur me vazhdimin e seancave të Kuvendit.
Njoftim për media
Të nderuar kolegë, Në zbatim të Vendimit të Komitetit Teknik të Ekspertëve të datës 17.11.2020 dhe të Urdhërit të Ministres së Shëndetësisë dhe Mbrojtjes Shoqërore nr. 633, datë 17.11.2020 “Për ndalimin e grumbullimeve në vende të mbyllura apo të hapura”, Kryetari i Kuvendit vendosi që të mos zhvillohet seanca plenare e Kuvendit të Shqipërisë, e planifikuar për ditën e enjte, datë 19 nëntor 2020. Në respekt të zbatimit të këtyre masave, Kryetari i Kuvendit, z. Gramoz Ruçi, i është drejtuar Komitetit Teknik të Ekspertëve dhe Ministres së Shëndetësisë dhe Mbrojtjes Shoqërore, znj. Ogerta Manastirliu, për të bërë një interpretim lidhur me vazhdimin e seancave plenare të Kuvendit. Puna në komisionet parlamentare vazhdon online. Duke ju falenderuar për mirëkuptimin, mund të më shkruani për çdo nevojë për mbështetje apo sqarim. Faleminderit!
Top Channel
