Ministri i Brendshëm, Sandër Lleshaj, gjatë vizitës në Prishtinë u takua me Zv. kryeministrin e Parë të Kosovës, z. Besnik Tahiri.
Nëpërmjet një statusi në rrjete sociale Lleshaj shkruan se bashkarisht kanë rënë dakord që në nëntor të formalizohet Kongresi i Autoriteteve Vendore Shqipëri-Kosovë.
“Duke diskutuar pēr forcimin e bashkëpunimit mes autoriteteve vendore, folëm mbi rëndësinë që kjo tryezë të identifikojë fushat e përbashkëta dhe të intensifikojë komunikimin mes njësive të qeverisjes vendore në Republikën e Shqipërisë dhe Kosovë”, shkruan Lleshaj në postim duke shtuar se u dakordësua që kjo iniciativë të shërbejë si model bashkëpunimi rajonal, mes qyteteve shqiptare në dy krahët e kufirit.
Postimi i plotë:
Gjatë vizitës në Prishtinë, në takimin me Zv.kryeministrin e Parë të Kosovës, z. Besnik Tahiri ramë dakord që në nëntor të formalizohet Kongresi i Autoriteteve Vendore Shqipëri-Kosovë.
Duke diskutuar pēr forcimin e bashkëpunimit mes autoriteteve vendore, folëm mbi rëndësinë që kjo tryezë të identifikojë fushat e përbashkëta dhe të intensifikojë komunikimin mes njësive të qeverisjes vendore në Republikën e Shqipërisë dhe Kosovë.
Me zyrtarin e lartë të qeverisë së Kosovës, dakordësuam që kjo iniciativë të kthehet e të shërbejë si model bashkëpunimi rajonal, e në veçanti si platformë e komunikimit të rregullt dhe efektiv mes qyteteve shqiptare në dy krahët e kufirit 🇦🇱🇽🇰
Top Channel
