Kina dërgon në hapësirë “satelitin e parë eksperimental 6G në botë”

Sateliti eksperimental 6G do të “verifikojë teknologjinë e komunikimit terahertz (THz) në hapësirë, një përparim në komunikimin hapësinor”, njoftoi e përditshmja shtetërore “Global Times”.

Sateliti 6G ishte midis tre satelitëve kinezë të lansuar me sukses në orbitë, së bashku me 10 satelitë komercialë për ndjesi nga distanca të zhvilluar nga kompania argjentinase Satellogic, thuhet në raport.

Të gjithë ata u lansuan duke përdorur raketën e vetme Long March 6, e cila u ngrit nga Qendra e Lansimit të Satelitëve Taiyuan në provincën veriore Shanxi.

Kjo ishte raketa e 351-të e serisë kineze Long March të zhvilluar në mënyrë indigjene.

Në shtator, Kina lansoi satelitin e saj të tretë detar në hapësirë dhe ka dërguar një satelit vëzhgimi Gaofen 11-02 në orbitë për studimet e tokës, planifikimin urban, hartimin e rrjetit rrugor, bujqësinë dhe lehtësimin e katastrofave.

Observatori Kombëtar Astronomik i Kinës sot deklaroi se do të hapë Radio Teleskopin Sferik 500-metra Aperture Spherical, radio teleskopi më i madh në botë me një pjatë për shkencëtarët global vitin e ardhshëm për punë kërkimore, njoftoi transmetuesi shtetëror CGTN.

Observatori do të fillojë funksionimin e plotë në janar 2021 pasi të ketë kaluar një “seri vlerësimesh teknike dhe të performancës”.

Top Channel