(Emri) Lezhë/ Ushtroi dhunë ndaj policisë, arrestohet avokati 68 vjeçar

27/10/2020 21:30

Një person është arrestuar gjatë mbrëmjes të kësaj të marteje (27.10.2020) nga Policia e Lezhës.

Shtetasi Gjergj Neli, 68 vjeç me profesion avokat ka rënë në prangat e uniformave blu pasi ka ushtruar dhunë ndaj punonjësve të Policisë.

68 vjeçari Neli së bashku me bashkëshorten e tij Shaqe Marinaj po konfliktoheshin me një shtetas tjetër në afërsi të hotel turizmit Lezhë.

Njoftimi:

Më datën 27.10.2020  rreth orës 15:10, në sallën operative të DVP ka ardhur një telefonatë për një konflikt, në afërsi të hotel turizmit Lezhë.

Menjëherë kanë shkuar shërbimet e Policisë në adresën e dhënë, ku kanë konstatuar shtetasin Gj.N.,dhe bashkëshorten e tij shtetasen Sh.M.,me profesion avokat duke u konfliktuar me një shtetas.

Punonjësit e Policisë kanë ndërhyrë për të penguar përshkallëzimin e mëtejshëm të konfliktit, por shtetasi Gj.N., i ka  kundërshtuar me dhunë duke goditur me grusht dhe grisur bluzen njërit prej punonjësve të Policisë.

Shtetasi Gj.N.u shoqerua në Komisariatin e Policisë Lezhë.

Në vijim të veprimeve nga oficeri i  Prokurorisë së Rrethit Gjyqësor Lezhë u bë arrestimi në flagrancë i shtetasit Gj.N.,68 vjeç, banues në Lezhë.

Materialet hetimore i kaluan Prokurorisë së Rrethit Gjyqësor Lezhë, për veprime të mëtejshme për vepren penale “Kundërshtimi me dhunë i punonjësit të rendit publik”.

Top Channel