BE ndjek shembullin “Meloni”? Diskutohet një marrëveshje me Libanin për të përballuar fluksin e emigrantëve 02/05 12:12
Pas shtatë muajsh largimi, një prej artistëve më të mëdhenj të sambas në Brazil, Moacyr Luz, po përgatit rikthimin.
Covid 19 e goditi rëndë vendlindjen e tij, ku vrau më shumë se 150 mijë vetë e infektoi me qindra mijëra të tjerë, dhe ndikimi i tij qe i dukshëm edhe në festën më të famshme të Rios, ku është ndaluar çdo kremtim masiv ndërsa karnavalet janë shtyrë. Mes vetë artistëve të sambas janë shënuar vdekje nga koronavirusi.
“ Më vjen për të qartë vetëm kur e mendoj”, thotë 62 vjecari i cituar nga the Guardian. Por kompozitori, që 100 ditët e para të pandemisë i kaloi në izolim, është gati të japë sërish kontributin e tij. Kreu i bashkisë së Rios i çeli së fundi një dritë jeshile festimeve të sambas edhe pse me masa të forta që përfshijnë mbajtjen e maskave dhe shkurajojnë kërcimin. Adhuruesit e muzikës kanë nisur të vërshojnë sërish.
Luz vendosi ta marrë parasysh rrezikun dhe thotë se do të rikthehet, ndonëse frika nuk është e vogël, pasi legjendari Aldir Blanc, i cili ka shkruar tekstet e mbi 100 këngëve, vdiq në muajin maj në Brazil nga koronavirusi e në vend, vazhdojnë të raportohen çdo ditë një numër i madh jetësh të humbura prej sëmundjes.
Top Channel
