Mediat: Soros paguan studentët radikalë për të nxitur urrejtje në protestat pro dhe kundër Palestinës në SHBA (fotot)
27/04 21:53
Hemisfera Veriore po përballet me një rritje të parashikuar të rasteve me COVID-19 ndërsa po afrohet moti i ftohtë.
Në botë infeksionet e reja janë rritur në 330,000 në ditë dhe rritja më shqetësuese po vihet re në Evropë dhe Shtetet e Bashkuara.
Të enjten SHBA regjistroi më shumë se 64,000 raste të reja me COVID-19, shifra më e lartë ditore që nga muaji korrik. Drejtori për Evropën i Organizatës Botërore të Shëndetësisë tha se në kontinent 1.000 persona në ditë po vdesin nga COVID-19 dhe se gjatë dhjetë ditëve të fundit janë diagnostikuar më shumë se një milion raste të reja me koronavirus.
Hans Kluge tha se ndikimi i sëmundjes këtë dimër mund të minimizohet në Evropë nëse vendosja e maskave rritet nga 60 për qind aktualisht në 95 për qind si dhe nëse distancimi fizik do të respektohej me përpikmëri.
Eksperti kryesor i sëmundjeve infektive në SHBA u sugjeroi amerikanëve që t’i rimendojnë planet për ditën e Falënderimeve në fund të nëntorit, kur tradicionalisht shumë njerëz udhëtojnë duke përdor qendra të tej mbushura transporti, si stacionet e autobusëve, trenave, apo aeroportet, për t’u mbledhur me familjet e tyre.
Gjatë një interviste për rrjetin televiziv ABC News zoti Fauci sugjeroi që amerikanët t’i shtyjnë planet e tyre për më vonë e të presin derisa pandemia të vendoset nën kontroll.
“Duhet të jemi vërtet të kujdesshëm këtë herë dhe çdo familje të vlerësojë përfitimet dhe rrisqet”, shtoi zoti Fauci./VOA./
Top Channel
